CCÀ NO’ ‘NC’È NENTI
Ccà non c’è nenti i fari, dici sempi
cu’ ‘nta sta terra vidi ‘u stessu andazzu,
presenti e lu passatu ‘e stessi tempi,
‘u stessu jocu fattu ‘o tiralazzu.
Ccà no, non c’esti nenti, ”dassa stari!”
è chillu chi si senti sempi diri
cu’ esti chi si prova a ribellari
a cu’ già stancu esti i cumbattíri,
a cu’ già stancu esti di campari,
cà tantu, “sai com’è, non cangia nenti,
non c’è null’atta cosa chi po’ fari,
‘a testa no’ ‘nci’’a cangi tu d’’a genti.
Chist’è ‘na storia vecchja, antica assai,
chi si ripeti sempi a cantilena,
‘nu ritornellu chi non passa mai,
e ‘u pisti ‘i pugna, no, non vali ‘a pena”.
Ma si non esti cosa, chi mi vali
sta vita finu a chi poi non su’ vecchju?
Si tuttu dassu stari, “tant’è uguali”,
cu’ chi coraggiu poi mi guard’’o specchju?
Cu’ chi coraggiu guardu li me’ figghji,
chill’occhjicelli d’animi ‘nnocenti,
si a mmia mi tramandaru sti cunsigghji
‘u dassu stari, tantu no’ nc’è nenti?
È puru veru ca no’ ‘nc’è riguardu
si ‘nc’è cu’ l’ortu soi misi ‘o sicuru,
ma eu lu stessu ‘i manichi mi ‘mpardu,
pecchí la vita mia è ‘nto futuru,
non esti ora e non tagghjai traguardu,
cà ad ogni arrivu viju ‘na partenza,
e vaju sempi avanti, cchjù testardu,
armandumi i speranza e di pacienza.
E, poi, si no’ ‘nc’è nenti pe’ daveru,
è megghju, pecchí i llà si costruisci,
tenendu sempi a menti lu penseru
ca doppu di la notti ‘u suli arbisci.
Armando Panetta
Locri, 03/07/2022
